हामी सबैकाे संसारन्यूज

काठमाडौं । सत्तारुढ नेकपाभित्रको किचलोका बीच बालुवाटारमा भएको नेकपा स्थायी समितिको बैठकले प्रधानमन्त्रीसमेत रहेका पार्टी अध्यक्ष केपी शर्मा ओलीसँग सहमती खोज्ने जिम्मा अध्यक्ष पुष्पकमल दाहाल ‘प्रचण्ड’लाई दिने निर्णय गरेको छ ।

बैठकपछि पत्रकारसँग कुराकानी गर्दै पार्टी प्रवक्ता नारायणकाजी श्रेष्ठले ओलीसँग सहमती खोज्दै बैठक बसाल्न प्रचण्डलाई जिम्मा दिएको जानकारी दिए ।

उनका अनुसार ओलीले एकपक्षीय रुपमा बैठक स्थगित गर्नु अनुचित रहेको ठहर पनि बैठकले गरेको छ । ‘जारी स्थायी कमिटी बैठक पार्टी अध्यक्ष कमरेड केपी शर्मा ओलीले विधि विपरित स्थगित भएको सूचना प्रसारित गर्नु उचित थिएन’ पत्रकारसँग कुराकानी गर्दै पार्टी प्रवक्ता नारायणकाजी श्रेष्ठले भने, ‘यस विषम परिस्थितिमा पार्टीको एकता र विधि र परम्परालाई ध्यानमा राखि अर्का अध्यक्ष कमरेड ओलीसँग छलफल गरी बैठक सुचारु गर्न पार्टी अध्यक्ष कमरेड प्रचण्डलाई जिम्मेवारी दिने निर्णय भएको छ।’

के भयो बैठकमा ? हेर्नुहोस् प्रवक्ता श्रेष्ठको भनाई