Sansar News
२६ साउन, काठमाडौँ । कोरोनाभाइरस संक्रमणबाट काठमार्डाैँ उपत्यकामा थप एक जनाको मृत्यु भएको छ ।
ललितपुरको ग्वार्खोस्थित किष्ट अस्पतालमा उपचाररत ५० वर्षीय महिलाको कोरोनाबाट मृत्यु भएको अस्पताल स्रोतले जनाएको छ ।
काभ्रे निवासी ती महिला साउन २५ गते अस्पतालमा भर्ना भएकी थिइन् भने उनको आज बिहान मृत्यु भएको हो ।
मृतकमा निमोनियका साथै छातीको समस्या देखिएको थियो भने उनको मृत्युपछि आज दिउँसो पीसीआर रिपोर्ट पोजेटिभ आएको थियो ।
योसँगै नेपालमा कोरोनाबाट मृत्यु हुनेको संख्या ८० पुगेको छ । आजमात्र ५ जनाको मृत्यु भएको छ, त्यसमध्ये काठमाडौँमा ३ जनाको मृत्यु भएको हो ।
वि.सं.२०७७ साउन २६ सोमवार १९:१० मा प्रकाशित
