Sansar News
२९ साउन, जनकपुरधाम । सुरक्षाको कारण देखाउँदै वीरगन्जको नरायणी अस्पतालका ३५० स्वास्थ्यकर्मीले सामु्हिक राजिनामा दिएका छन् ।
कोरोना संक्रमितको उपचारमा २४ सै घण्टा खटिएका चिकित्सक, नर्स, स्वास्थ्यकर्मी एवं कर्मचारीले अस्पतालमा आक्रमण भएपछि सुरक्षाको माग गर्दै राजीनामा दिन बाध्य भएको अस्पतालका मेडिकल सुपरिटेन्डेन्ट डा. मदन उपाध्यायले बताएको विहिबारको अन्नपूर्णपोष्ट दैनिकमा समाचार छ ।
राजीनामा दिए पनि स्वास्थ्यकर्मीले कोरोना संक्रमितको लागि उपचार सेवा भने दिईरहेको उपाध्यायले बताए ।
‘प्रमुाख जिल्ला अधिकारीलाई राजीनामा बुझाएका छौं,’ उपाध्यायले भने, ‘राजीनामा स्वीकृत भएको छैन । वैकल्पिक व्यवस्था नभएसम्म सेवा दिइरहेका छौं । कोरोना विरुद्ध फ्रन्टलाइनमा खटिएका स्वास्थ्यकमीको सुरक्षा हुनुपर्ने अस्पतालमा तोडफोड गर्नेलाई कारबाही हुनुपर्ने र सरकारबाट थप दक्ष जनशक्तिको व्यवस्था गर्नुपर्ने माग राखेर सामुहिक राजीनामा दिएको उनको भनाई छ ।
वि.सं.२०७७ साउन २९ बिहीवार ०९:४४ मा प्रकाशित
