हामी सबैकाे संसारन्यूज

१६ भदौ, काठमाडौँ । राष्ट्रिय प्रजातन्त्र पार्टी(राप्रपा)का अध्यक्ष डा. प्रकाशचन्द्र लोहनीले प्रधानमन्त्री केपी शर्मा ओलीलाई नेपाली झन्डाको सस्तो प्रयोग नगर्न आग्रह गरेका छन् ।

प्रधानमन्त्री केपी शर्मा ओलिले नेपाली झण्डा प्रिन्ट भएको मास्क लगाएको प्रति लक्षित गर्दै नेता लोहनीले मास्कमा झण्डा राखेर लगाउँदैमा राष्ट्रवादी नभइने बताएका छन् । उनले भनेका छन् ‘मास्क या टोपी या दौरा सुरुवालमा नेपालको झन्डा राखेर राष्ट्रवादि भइदैँन ।’

उनले राष्ट्रियता मास्कमा छापेको झन्डामा होइन कोविड १९ को कुशल व्यवस्थापनमा देखाउनु पर्ने बताएका छन् । ‘राष्ट्रियता मास्कमा छापेको झन्डामा होइन कोविड को इमान्दारी र कुसल ब्यबस्थापन मा देखिनु प¥र्याे’, उनले भनेका छन् ।

अध्यक्ष लोहनीले सामाजिक सञ्जालमा प्रधानमन्त्रीलाई राष्ट्रवादी हुन गर्नुपर्ने भन्दै ५ बुँदे सुझावसमेत दिएका छन् ।

उनले भनेका छन्  :

सम्माननीय प्रधान मन्त्रि जी
तपाई ले लगाउने मास्क मा झन्डा राखेर तपाई ले आफु राष्ट्रबादि भन्ने संदेश दिन खोजेको देखे। मास्क या टोपी या दौरा सुरुवाल मा नेपाल को झन्डा राखेर राष्ट्रबादि भइदैन। यदि तपाईलेआफुलाई राष्ट्रबादि भन्ने हो भने हाल लाई निम्न बमोजिम गर्नोस:

(१) सरकारी प्रसासन, शिक्षण संस्थानहरु, न्यायालय तथा संबैधानिक अंगहरुमा नाताबाद , कृपाबाद, भागबन्डा र दलियकरण लाई हटाउदै क्षमता र उत्कृष्टता लाई लागु गर्ने मान्यता कठोरता का साथ लागु गर्नोस ।

(२) दिन दहाडै हवाइजाहज देखि औषधी किन्ने सम्म मा भ्रस्टाचार र लुट गर्ने तपाई का सहयोगी हरु लाई कानुन को दयारा मा ल्याउने नैतिक साहस र इमान्दारी देखाउनुस।

(३) देस मा तपाई को पार्टी र अन्य पार्टी का उच्चा नेता हरु को सम्पत्ति जाच गर्ने राष्ट्रिय आयोग घोसना गर्नुस ।

(४) आफुले पुरा गर्न नसक्ने या नजानेको कुरा मा धेरै गफ नहाक्नुस। बेसार पानि ले कोरोन भागछ भन्ने जस्ता कुरा गरेर देस को प्रधान मन्त्रि लाई हासो को पात्र नाबनाउनुस ।

(५)राष्ट्रियता मास्क मा छापेको झन्डामा होइन कोविड को इमान्दारी र कुसल ब्यबस्थापन मा देखिनु पर्यो , कोविड पिडित जनता लाई राहत मा देखिनुपर्यो , भ्रस्टाचार माथि कठोर कारबाई मा देखिनु परयो , आर्थिक अनुसासन मा देखिनु पर्यो ,सरकारी न्याय मा देखिनु परयो
कृपया नेपाली झन्डा लाई सस्तो प्रयोग नगर्नुस।