हामी सबैकाे संसारन्यूज

१७ भदौ, काठमाडौं । भरतपुर अस्पतालले कोरोना संक्रमणबाट मुक्त भएर घर फर्किएकाहरुलाई रक्तदान गर्न अपिल गरेको छ ।

कोरोना संक्रमणबाट मुक्त भएकाहरुको एक युनिट रगतले कोरोना संक्रमित अर्को व्यक्तिको ज्यान बच्न सक्ने भन्दै जटिल संक्रमितको उपचारको निम्ति प्लाज्मा थेरापी गर्नुपर्ने भएकाले अस्पतालले यस्तो अपिल गरेको हो ।

अस्पतालले बुधबार एक सूचना जारी गर्दै भनेको छ, ‘जटिल संक्रमितहरुको उपचारका निम्ति प्लाजामा थेरापी गर्नुपर्ने भएकाले तपाईको एक युनिट रगत अत्यन्तै महत्वपूर्ण हुने भएकाले उदार मन भावना भएका स्वेच्छुक महानुभावले आफ्नो एक युनिट रगत दान गरी मानवीय सेवामा सहभागी भइ सहयोग गरिदिनु हुन अनुरोध गर्दछौं ।’ अस्पतालका अनुसार संक्रमित भै आइसोलेसनबाट डिस्चार्ज भएको १४ दिनपछि रगत दिन सकिन्छ ।

अस्पतालले रक्तदानका लागि निम्न व्यक्तिहरुलाई सम्पर्क गर्न सकिने अनुरोध समेत गरेको छ ।

डा. प्रमोद पौडेल व,क, फिजिसियन, भरतपुर अस्पताल ९८५५०७४६५६

डा. कल्याण सापकोटा, क. फिजिसियन, भरतपुर अस्पताल ९८५११४३२९६

रमेशकान्त पौडेल, प्रमुख, क्षेत्रिय रक्तसन्चार केन्द्र भरतपुर ९८५५०८१०८८

शान्ता भण्डारी, नि. मेट्रोन, भरतपुर अस्पताल, ९८६६०२८८२०

गोपाल प्रसाद पौडेल सि.अ.हे.व, अधिकृत ९८५५०५०७३५

प्रदीप सुवेदी, मनोविद्, नेपाल रेडक्रस सोसाइटी ९८४५३६६७७४