Sansar News
१७ भदौ, काठमाडौं । गण्डकी प्रदेशमा पछिल्लो अद्यावधिक अनुसार क्षयरोग केन्द्र पोखरामा गरिएको परीक्षणमा लमजुङका १४ जनासहित थप १९ जनामा कोरोना संक्रमण पुष्टि भएको छ ।
प्रदेशको स्वास्थ्य निर्देशनालयका अनुसार गण्डकी प्रदेशमा पछिल्लोपटक थपिएका संक्रमितहरुमा लमजुङ बेसीसहरका २ का ४० वर्षीय पुरुष, ८ का ३१, २२, १८,४०, र ३९ वर्षीय ५ पुरुष, ३ का दुई ३७ वर्षीय पुरुष र १३ र २३ वर्षीया महिला, १० का २७ वर्षीय पुरुष, ७ का २३ वर्षीय पुरुष र ४४ वर्षीया महिला गरी १४ जनामा संक्रमण पुष्टि भएको छ ।
त्यसैगरी नवलपरासी पूर्व देवचुली नगरपालिका वडा नं १५ की २३ वर्षीया महिला, पोखरा महानगरपालिकाका २८ वर्षीय पुरुष, तनहुँ शुक्ला गण्डकीकी २० वर्षीया महिला र व्यास ६ का २४ वर्षीय पुरुष,र स्याङजा आँधिखोलाका २८ वर्षीय पुरुष र गरी १९ जना थपिएका हुन् ।
स्मरण रहोस् गण्डकी प्रदेशमा यसअघि पनि पोखरामा कार्यरत २० प्रहरीसहित ३५ जनामा कोरोना संक्रमण भएको थियो । गण्डकी प्रदेशमा आज संक्रमण पुष्टि भएका ५४ जनासँगै प्रदेशमा कोरोना संक्रमितको कूल संख्या २२६४ पुगेको छ ।
पोखरामा कार्यरत २० प्रहरीसहित गण्डकी प्रदेशमा थप ३५ जनामा कोरोना संक्रमण
वि.सं.२०७७ भदौ १७ बुधवार १५:०६ मा प्रकाशित
