हामी सबैकाे संसारन्यूज

२४ भदौ, काठमाडौं । हाल देशभर सामान्य देखि पुर्ण बदली भइ विभिन्न स्थानहरुमा हल्का देखि मध्यम वर्षा भईरहेको छ ।

आज दिउँसो देशभर सामान्यतया बदली रहि केहि स्थानहरूमा मेघगर्जन\चट्याङ्ग सहित हल्का देखि मध्यम वर्षाको सम्भावना रहेको छ ।

त्यस्तै आज प्रदेश १, प्रदेश २, बाग्मती प्रदेश, गण्डकी प्रदेश र प्रदेश ५ का एक वा दुई स्थानमा भारी वर्षाको सम्भावना रहेकोले ति स्थानहरुका नदीमा पानीको बहाव बढ्ने, पहाडी क्षेत्रमा पहिरो जाने, सडक तथा हवाई यातायात प्रभावित हुन सक्ने भएकोले आवश्यक सतर्कता अपनाउन पनि मौसम पूर्वानुमान महाशाखाले जनाएको छ ।

आज कुन-कुन प्रदेशमा छ त भारी वर्षाको सम्भावना ?
महाशाखाका अनुसार आज कन्काई, कमला, बागमती, तिनाउका स–साना नदीजलाधारमा बहाब बढ्ने र केहीमा आकस्मिक बहाब हुन सक्ने छ भने प्रदेश १ को ईलाम, झापा, मोरङ, उदयपुर, बागमतीको सिन्धुली, धादिङ, मकवानपुर, चितवन, गण्डकीको गोरखा, लमजुङ, कास्की, तनहुँ, पर्बत, म्याग्दी, बागलुङ, स्याङ्जा लगायतका जिल्ला भई बहने केहि स-साना नदीजलाधारमा क्षणिक मध्यम भारी बर्षा भई साना नदीमा बहाब बढ्ने र केहिमा आकस्मिक बहाब भई सतर्कता पुग्ने सम्भावना रहेको छ ।