Sansar News
२९ भदौ, काठमाडौं । सन्राइज बैंकले आफ्ना डेबिट, क्रेडिट तथा अन्तर्राष्ट्रिय कार्ड मार्फत हुने कारोबारलाई अझ सुरक्षित र सहज बनाउन भन्दै ‘ग्रिनपिन’ सेवा सुरु गरेको छ ।
यो सेवाको सुरुसँगै अबदेखि बैंकबाट जारी हुने डेबिट, क्रेडिट तथा अन्तर्राष्ट्रिय कार्डको हकमा कागजी पिन मेलरको आवश्यकता नपर्ने भएको छ । ग्राहकहरूले आफ्नो नयाँ कार्ड कुनै पनि सन्राइज बैंककोे एटीएममा हाल्ने बितिकै बैंकमा दर्ता गरेको मोबाइल नम्बरमा एसएमएस मार्फत ग्रिनपिन प्राप्त गर्नेछन् । याे प्रकृयाबाट सम्बन्धित व्यक्तिको मोबइलमै पिन जाने हुदाँ यो सुबिधा पहिले भन्दा अझै सुरक्षित हुने बैकको बिश्वास छ ।
याे व्यवस्थाले कागजि पिन मेलरमा भर पर्नु नपर्ने हुनाले कुनै पनि ग्राहकले पिन कोड बिर्सिएर पुनःपिन कोड माग्नु पर्ने अवस्थामा समेत सम्बन्धीत ग्राहकले सन्राइज बैंकका कुनै पनि शाखामा निबेदन दिए पश्चात तत्कालै कागज बिहिन ग्रिन पिन सेवा प्राप्त गर्न सक्नेछन् ।
वि.सं.२०७७ भदौ २९ सोमवार १३:१३ मा प्रकाशित
