हामी सबैकाे संसारन्यूज

काठमाडौं । उपत्यका मेयर फोरमका सचिव तथा मध्यपुर ठिमी नगरपालिकाका मेयर मदनसुन्दर श्रेष्ठले सिंहदरबारभित्र दुई–चार जना नमरी कोरोना नियन्त्रणमा नआउने बताएका छन् । रफत सञ्चार क्लबमा आयोजित साक्षात्कारमा बोल्दै उनले यस्तो बताएका हुन् ।

उनले भने, ‘अहिले देशभर संक्रमितमध्ये आधा उपत्यकामै छन्, यो हामीले देख्दा-देख्दै शून्यबाट यहाँ पुगेको हो, यसमा सबैभन्दा ठूलो दोष सिंहदरबारकै छ ।’

सिंहदरबारले ध्यान नदिएसम्म कोरोना नियन्त्रण गर्न नसकिने मेयर श्रेष्ठको भनाई छ । कोरोनाले सिंहदरबारमै दुई–चारजना मर्नुपर्छ, तब मात्रै यसको नियन्त्रणमा ध्यान पुग्छ’, उनले भने ।

नियन्त्रणका अन्य उपाय नगरिए दशैंसम्म संक्रमितको संख्या लाख नाघ्ने श्रेष्ठको भनाई छ । ‘सक्रिय संक्रमित भएका ठाउँमा निषेधाज्ञा लगाउनुपर्छ, आवतजावतलाई रोक्नुपर्छ, नत्र दसैँसम्म उपत्यकामा बढ्दो संक्रमितको संख्याले लाख नाघ्छ,’ उनले भने ।