हामी सबैकाे संसारन्यूज

१२ असोज, काठमाडौं । उद्योग बाणिज्य क्षेत्रका चर्चित ब्यक्तित्व आइएमई समुहका अध्यक्ष चन्द्र ढकाल कोरोना संक्रमित भएका छन् ।

सो कुराको जानकारी ढकाल आफैले संजालमार्फत् गराउदै संपर्कमा आएका सबैलाइ स्वास्थ सतर्कता अपनाउन आग्रह गरेका छन् ।

उनले भनेका छन ‘विश्वमै महामारीका रुपमा रहेको कोभिड १९ को प्रकोप हाम्रो देशमा पनि बढ्दो रुपमा रहेको सबैलाई जानकारी नै छ । यस समयमा म आफू पनि जनस्वास्थ्यका मापदण्डहरु पालनाका साथ सतर्कता र सजगता अपनाइरहेको भए पनि हिजो (आइतबार) गरेको स्वास्थ्य जाँचका क्रममा आज बिहान मेरो स्वास्थ्य रिपोर्ट पोजेटिभ देखिएको छ । तर मलाई स्वास्थ्यमा कुनै समस्या छैन, सामान्य अवस्थामै घरमा सुरक्षित आइसोलेसनमा बसेको छु । त्यसैले केही दिनयता मेरो सम्पर्कमा आउनुभएका सबैलाई सुरक्षित रहन र आवश्यक स्वास्थ्य सजगता अपनाउनुहुन यसै सूचनामार्फत आग्रह गर्दछु ।’