Sansar News
काठमाडौं । कोरोना महामारीका कारण रोकिएका शाखा अधिकृत र नायब सुब्बाको लिखित परीक्षा लोकसेवा आयोगले आगाम कात्तिक र मंसिरमा सञ्चालन गर्ने भएको छ । आयोगले बुधबार सूचना सार्वजनिक गर्दै सो कुराको जानकारी गराएको हो ।
आयोगले सार्वजनिक गरेको सूचनाअनुसार आगामी शाखा अधिकृतको परीक्षा आगामी कात्तिक १८ गते र नायब सुब्बाको परीक्षा मंसिर ८ गतेदेखि सुरु हुनेछ ।
कोरोना महामारीका कारण शाखा अधिकृत र नायब सुब्बा पदका प्रथम चरणको लिखित परीक्षाबाट छनौट भएपनि दोस्रो चरणको परीक्षा हुन सकेको थिएन । लोकसेवाले सूचनामा स्वास्थ्य सुरक्षाका मापदण्डलाई पालना गरी परीक्षा कार्यक्रम सञ्चालन गरिने जनाएको छ ।
यस्तो छ लोकसेवाले निकालेको सूचना
वि.सं.२०७७ असोज १४ बुधवार ११:३५ मा प्रकाशित
