Sansar News
१५ असोज, काठमाडौं । हाल वंगालको खाडीमा रहेको न्युन चापीय क्षेत्रको प्रभाव नेपालमा पनि परिरहेको छ ।
पश्चिमी भू-भागबाट शुरु भई पूर्वी भू-भागबाट मनसुन अन्त्य हुने हुनाले नेपालमा अझै एकसाता यसको प्रभाव पर्ने मौसम्विद् निराजन सापकोटा बताउँछन् । उनका अनुसार मनसुन पश्चिमी भू-भागबाट बाहिरीने क्रम सुरु भइसेको छ ।
जल तथा मौसम पूर्वानुमान महाशाखाका अनुसार आज दिउँसो प्रदेश १, प्रदेश २, गण्डकी प्रदेश र प्रदेश नं ५ मा सामान्य बदली र बाँकी प्रदेशमा आंशिक बदली हुने तथा प्रदेश १, प्रदेश २, बागमती प्रदेश र प्रदेश नं ५ का थोरै स्थानमा हल्का वर्षाको सम्भावना रहेको छ ।
त्यस्तै राति पनि देशभर आंशिक बदली रहि पहाडी क्षेत्रका एक÷दुई स्थानमा हल्का वर्षाको सम्भावना रहेको पनि महाशाखाले जनाएको छ ।
वि.सं.२०७७ असोज १५ बिहीवार ०८:२६ मा प्रकाशित
