हामी सबैकाे संसारन्यूज

काठमाडौं । सरकारले मन्त्रालय बढाउने करसर गरिरहेकोप्रति प्रमुख प्रतिपक्षी दल नेपाली कांग्रेसका वरिष्ठ नेता रामचन्द्र पौडेलले विरोध जनाएका छन् । मन्त्रालय बढाए आफ्नो पार्टी विरोधमा उत्रने चेतावनी दिए ।

कर्मचारीको पेन्सनसमेत धान्न नसक्ने राज्यको अवस्थामा मन्त्रालय बढाएर खर्च बढाउनु गलत भएको पौडेलको भनाई छ । उनले सामाजिक सञ्जाल ट्विटरमा भनेका छन्, ‘कर्मचारीको पेन्सन धान्न नसक्ने भैसकेको अवस्था छ । जनतालाई सर्बसुलभ स्वास्थ्य सुबिधा दिन नसकिरहेको अवस्थामा फेरी मन्त्रालय बढाउने काम गरियो भने त्यसको घोर विरोधमा हामी उत्रने छौं ।’

कम्युनिष्ट सरकारले अनावश्यक भर्तीकेन्द्र खोली ठूलो बजेट सकिरहेको पौडेलको आरोप छ । नयाँ संविधानले समेत अन्त गरेको मन्त्रालय थप्ने, मन्त्री पद बाँड्ने काम सरकारले गर्न खोज्नु गलत भएको पौडेलको भनाई छ ।

‘देशलाई भारमात्र पर्ने गरी प्रधानमन्त्रीले आफ्नो सुविधाको लागि मन्त्रालयहरु फुटाएर मन्त्रालय थप्ने, मन्त्री पद बाँड्ने गैर जिम्मेवार प्रवृत्तिलाई नयाँ संविधानले अन्त गर्न खोजेको हो’, पौडेलले सामाजिक सञ्जालमा भनेका छन्, ‘देश विकास गर्ने सारा बजेटलाई अनावश्यक भर्तीकेन्द्र खोली बिना दरबन्दी मान्छे भर्ने चलन कम्युनिष्टले चलाएका छन् ।’

सत्तारुढ नेपाल कम्युनिष्ट पार्टी (नेकपा)ले केहि मन्त्रालय फुटाएर मन्त्रिपरिषद पुनर्गठनको तयारी थालेको छ । पार्टीभित्रको अन्तरविरोध हल गर्ने उपायस्वरुप थालिएको यस कदमले भने राज्यको ठूलो खर्चभार बढाउनेछ । जसको चौतर्फी विरोध सुरु भएको छ ।

#मन्त्रालय 1
देशलाई भारमात्र पर्ने गरी प्रधानमन्त्रीले आफ्नो सुविधाको लागि मन्त्रालयहरु फुटाएर मन्त्रालय थप्ने, मन्त्री पद बाँड्ने गैर जिम्मेवार प्रवृत्तिलाई नयाँ संविधानले अन्त गर्न खोजेको हो ।
देश विकास गर्ने सारा बजेटलाई अनावश्यक भर्तीकेन्द्र खोली बिना दरबन्दी

— Ram Chandra Paudel (@NcPaudel) October 1, 2020

#मन्त्रालय 2
मान्छे भर्ने चलन कम्युनिष्टले चलाएका छन् ।

कर्मचारीको पेन्सन धान्न नसक्ने भैसकेको अवस्था छ । जनतालाई सर्बसुलभ स्वास्थ्य सुबिधा दिन नसकिरहेको अवस्थामा फेरी मन्त्रालय बढाउने काम गरियो भने त्यसको घोर विरोधमा हामी उत्रने छौं ।

— Ram Chandra Paudel (@NcPaudel) October 1, 2020