Sansar News
१८ असोज, काठमाडौँ । कोरोना भाइरसको उत्पत्ति देश चीनलाई नेपालले उछिनेको छ । आज २२ सय ५३ संक्रमित थपिएपछि नेपालले चीनलाई उछिनेको हो ।
चीनमा संक्रमितको संख्या ८५ हजार ४५० रहेको छ भने ८६ हजार ८२३ रहेको छ । वोल्डोमिटरको तथ्याङ्क अनुसार संक्रमित देशमा नेपाल ४४ स्थानमा छ भने चीन ४५ औँ स्थानमा छ । मृत्यु हुनेको संख्यामा भने नेपालमा चीनभन्दा धेरै कम छ । चीनमा ४६ सय ३४ जनाले ज्यान गुमाएका छन् भने नेपालमा ५३५ जनाले कोरोनाका कारण ज्यान गुमाएका छन् ।
चीनको हुनान प्रान्तको वुहानबाट सन् २०१९ को डिसेम्बरमा देखिएको कोरोना भाइरस अहिले विश्वभर फैलिएको छ । अहिले २१४ देशमा कोरोना भाइरसको संक्रमण रहेको छ । कोरोनाका कारण विश्वभर ३,५१,९१,१४१ जना संक्रमित बनेका छन् भने १०,३८,८९७ जनाले ज्यान गुमाइसकेका छन् । २,६१,७३,३२९ जना निको भएर घर फर्किएका छन् ।
पछिल्लो दिनमा चीनले कोरोना भाइरस नियन्त्रण गरिसकेको छ भने भारतमा संक्रमितको संख्या तीब्र रुपमा बढेको छ ।
वि.सं.२०७७ असोज १८ आइतवार १९:११ मा प्रकाशित
