Sansar News
१९ असोज । नेपाल प्रहरीमा रिक्त रहेको प्रहरी निरीक्षक(जनपद) पदमा दरखास्त दिएर पनि परीक्षामा सहभागी हुन नपाएका उम्मेदवारहरुका लागि प्रहरी प्रधान कार्यालयले सूचना जारी गरेको छ ।
प्रहरी निरीक्षक(जनपद) पदमा खुला प्रतियोगिताद्वारा समावेशी प्रावधान बमोजिम पदपूर्ति गर्न प्रहरी कार्यालयबाट २०७६ पुष १ गते प्रकाशित विज्ञापन अनुसार दरखास्त दिएका उम्मेदवारहरुका लागि भन्दै उक्त सूचना जारी गरिएको हो ।
सूचनामा २०७७ भाद्र ३१ गते प्रकाशित प्रारम्भिक स्वास्थ्य परीक्षण तथा शारीरिक तन्दुरुस्ती परीक्षा तालिका बमोजिम कोभिड १९ को पिसीआर परीक्षणको रिपोर्ट पोजेटिभ आएका उम्मेदवारहरुका लागि राष्ट्रिय प्रहरी प्रशिक्षण प्रतिष्ठान, महाराजगंजमा २०७७ मंसिर ३ गते परीक्षा संचालन गरिने जनाइएको छ ।
हेर्नुस् यो सूचना :
वि.सं.२०७७ असोज १९ सोमवार १८:३० मा प्रकाशित
