हामी सबैकाे संसारन्यूज

१९ असोज, काठमाडौँ । प्रमुख प्रतिपक्षी दल नेपाली कांग्रेसले कोरोना संक्रमणको रोकथाममा सरकारी उदासिनाताले पराकाष्ठा नाघेको आरोप लगाएको छ ।

कांग्रेसका सहमहामन्त्री एवं पार्टीको कोभिड—१९ अनुगमन समितिका संयोजक डा प्रकाशशरण महतद्वारा आज जारी विज्ञप्तिमा संक्रमितहरुको सम्पकएमा आएकाको ट्रेसिङ र कोरोना संक्रमितका लागि आइसोलेसनको व्यवस्था नगरको भन्दै उक्त आरोप लगाइएको छ ।

विज्ञप्तिमा मापदण्डअनुरुपको आइसोलेशनमा बस्ने आफ्नो व्यवस्था नभएका कोरोना भाइरस सङ्क्रमितलाई तत्काल समुचित व्यवस्था गर्न सरकारसँग माग गरिएको छ । कोरोनाको लक्षण देखिएका सङ्क्रमितलाई अस्पतालमा उपचारको समुचित व्यवस्था गर्नसमेत सरकारसँग माग गरिएको छ ।

सरकारी निकायले कोरोना सङ्क्रमितको सम्पर्कमा आएकाहरुको ट्रेसिङ गरी परीक्षण र आइसोलेशनको प्रभावकारी व्यवस्था गर्न नसकेको र यसले विशेषतः काठमाडौंँ उपत्यकामा डेरामा बस्ने या घरै भए पनि मापदण्डअनुरुप बस्ने व्यवस्था नभएकाहरुको बिचल्ली भएको विज्ञप्तिमा जनाइएको छ ।

https://www.facebook.com/nepalicongresshq/posts/1859975307488352