हामी सबैकाे संसारन्यूज

काठमाडौं । नेपाली कांग्रेसका नेता डा. शेखर कोइरालाले अनशनरत डा. गोविन्द केसीको माग तत्काल सम्बोधन गर्न आग्रह गरेका छन् । सामाजिक सञ्जाल ट्विटरमार्फत उनले यस्तो आग्रह गरेका हुन् ।

उनले सत्याग्रहीप्रति वेवास्ता गर्ने सरकारबाट अपेक्षा गर्न नसकिने टिप्पणी गरे । सामाजिक सञ्जालमा उनले भनेका छन्, ‘डा गोविन्द केसीको मागप्रती राज्य किन यति निर्मम र कठोर ? लोकतन्त्रमा समेत सत्याग्रहीको आवाज सुनिदैन भने राज्यबाट के अपेक्षा र आशा गर्ने ? उहाँको मागको छिटो भन्दा छिटो सम्बोधन गरियोस् ।’

यसअघि भएका सम्झौता र केहि नयाँ माग पुरा गराउन माग गर्दै डा. गोविन्द केसी गत भदौ २९ देखि अनशनरत छन् । आमरण अनशनको २४ दिन बित्दासमेत सरकारले भने वेवास्ता गर्दै गएको छ ।

डा गोविन्द केसीको मागप्रती राज्य किन यति निर्मम र कठोर ? लोकतन्त्रमा समेत सत्याग्रहीको आवाज सुनिदैन भने राज्यबाट के अपेक्षा र आशा गर्ने ? उहाँको मागको छिटो भन्दा छिटो सम्बोधन गरियोस।

— Dr Shekhar Koirala (@Shekharnc) October 7, 2020