हामी सबैकाे संसारन्यूज

२३ असोज, काठमाडौं । नेपालमा आज १६८० जना कोरोना संक्रमणबाट मुक्त भएका छन् । स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये १६८० जना कोरोना संक्रमणबाट मुक्त भएर डिस्चार्ज भएका हुन् । आज निको भएका १६८० जनासँगै नेपालमा कोरोना संक्रमणबाट मुक्त हुनेको संख्या ७३ हजार २३ पुगेको छ ।

हालसम्म कुन प्रदेशमा कति निको भए त ?
प्रदेश १ मा ६३३७, प्रदेश २ मा १४,९८१, बागमती प्रदेशमा २६,४८७, गण्डकी प्रदेशमा ४०७८ लुबिनी प्रदेशमा १०,३९२, कर्णाली प्रदेशमा ३,३५० र सुदूरपश्चिम प्रदेशमा ७३९८ जना गरी हालसम्म जम्मा ७३ हजार २३ जना निको भएका हुन् । मन्त्रालयका अनुसार कूल संक्रमित मध्ये निको हुनेको यो संख्या ७२.५ प्रतिशत रहेको छ ।

आज २६७५ जना कोरोना संक्रमणबाट मुक्त, निको हुनेको संख्या ७१,३४३ पुग्यो