Sansar News
काठमाडौं । नवनियुक्ती तीन मन्त्रिले पद तथा गोपनियताको सपथ लिएका छन् । राष्ट्रपति कार्यालय शीतलनिवासमा बिहिबार आयोजित विशेष समारोहका बीच उनीहरुले सपथ लिएका हुन् ।
शितल निवासमा आयोजित समारोहमा राष्ट्रपति विद्यादेवी भण्डारीले विष्णु पौडेल, कृष्ण गोपाल श्रेष्ठ र लिलानाथ श्रेष्ठलाई पद तथा गोपनियताको सपथ ग्रहण गराएकी हुन् ।
बुधबार प्रधानमन्त्री केपी शर्मा ओलीले विष्णु पौडेललाई अर्थ, कृष्णगोपाल श्रेष्ठलाई शहरी विकास र लीलानाथ श्रेष्ठलाई महिला बालबालिका तथा समाज कल्याण मन्त्रीमा नियुक्ती गर्न सिफारिस गरेका थिए । प्रधानमन्त्रीको सिफारिसमा राष्ट्रपति विद्यादेवी भण्डारीले उनीहरुलाई मन्त्रीमा नियुक्ती गरेकी थिइन् ।
बुधबार गरिएको मन्त्रिपरिषद पुनर्गठनमा ईश्वर पोखरेललाई रक्षाबाट प्रधानमन्त्री कार्यालय र पार्वत गुरुङ्गलाई महिला तथा बालबालिकाबाट सूचना तथा सञ्चारमा सरुवा गरिएको छ ।
वि.सं.२०७७ असोज २९ बिहीवार १२:२० मा प्रकाशित
