हामी सबैकाे संसारन्यूज

३ कात्तिक, काठमाडौं । नेपालमा आज पनि २३३५ जनाले कोरोना जितेर घर फर्किएका छन् ।

स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये २३३५ जना संक्रमणबाट मुक्त भएर डिस्चार्ज भएका हुन् । आज निको भएका २३३५ जनासँगै नेपालमा कोरोना संक्रमणबाट मुक्त हुनेको संख्या ९४ हजार ५०१ पुगेको छ ।

हालसम्म कुन प्रदेशमा कति निको भए त ?
प्रदेश १ मा ७९८०, प्रदेश २ मा १५,५९७, बागमती प्रदेशमा ४२,२९७, गण्डकी प्रदेशमा ४८००, लुम्बिनी प्रदेशमा १२,०४०, कर्णाली प्रदेशमा ३८७६ र सुदूरपश्चिम प्रदेशमा ७९११ जना गरी हालसम्म जम्मा ९४ हजार ५०१ जना निको भएका हुन् । कूल संक्रमित मध्ये निको भएको यो संख्या ६९.५ प्रतिशत रहेको छ ।