Sansar News
काठमाडौं । देशभर कोरोना संक्रमणबाट मृत्यु हुनेको संख्या ८ सय नाघेको छ ।
स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार हालसम्म कोरोनाको कारण मृत्यु हुनेको संख्या ८ सय १२ पुगेको हो । पछिल्लो २४ घण्टामा मात्रै थप २१ जनाको मृत्यु भएको उनले जानकारी दिए ।
स्वास्थ्य मन्त्रालयले जनाएअनुसार पछिल्लो २४ घण्टामा मात्रै ३ हजार ६३७ कोरोना संक्रमित थपिएका छन् । जसमध्ये काठमाडौं उपत्यकामा मात्रै १५५२ थपिएका छन् ।
मन्त्रालयले जनाएअनुसार काठमाडौंमा १२८३, भक्तपुरमा ११२ र ललितपुरमा १५७ जनामा कोरोना संक्रमण भएको पुष्टी भएको छ ।
योसँगै देशभरका हालसम्म कोरोना संक्रमित हुनेको कुल संख्या १ लाख ४८ हजार ५०९ पुगेको छ ।
वि.सं.२०७७ कात्तिक ६ बिहीवार १६:५७ मा प्रकाशित
