Sansar News
१६ कार्तिक, सिरहा । आफ्नै आमालाई कुटपिट गरि घाईते बनाउने राम अवतार साह सोनारलाई बिहीबार प्रहरीले पक्राउ गरेको छ । कर्जन्हा नगरपालिका-३ खैरा टोलका ४७ वर्षीय साह सोनारले आफ्नी ८५ वर्षीया आमा सुदामा देवी साहलाई कुटपिट गरी घाइते बनाएका थिए ।
घरायसी विषयलाई लिएर सोनारले मंगलबार आफ्नै आमालाई कुटपिट गर्दा गम्भीर घाइते बनाएका थिए । उनलाई ईलाका प्रहरी कार्यालय बन्दीपुर सिरहाबाट खटिएको प्रहरीले पक्राउ गरेको हो । घाइतेलाई स्थानीय मेडिकलमा सामान्य उपचार पश्चात जनकपुर हुँदै थप उपचारको लागि सिरहा जिल्ला अस्पताल पठाइएको प्रहरीले जानकारी दिएको छ ।
वि.सं.२०७७ कात्तिक १६ आइतवार १२:०३ मा प्रकाशित
