Sansar News
२१ कात्तिक, काठमाडौं । कोरोना संक्रमणबाट निको भएका पत्रकार सीताराम बर्माको निधन भएको छ ।
नेपाल पत्रकार महासङ्घ धादिङका संस्थापक सभापति तथा नेपाल प्रेस काउन्सिलबाट प्रेस स्वतन्त्रता सेनानी सम्मान समेत पाएका ७९ वर्षीय बर्मालाई कोरोना संक्रमण निको भएपछि पनि उच्च रक्तचाप र निमोनियाको उपचार गराउने क्रममा मृत्यु भएको हो ।
राष्ट्रिय समाचार समितिका धादिङ संवाददाता समेत रहेर काम गरेका बर्माको उपचारका क्रममा शुक्रबार बिहान ललितपुरको ग्वार्कोस्थित किष्ट मेडिकल कलेजमा उपचारका क्रममा मृत्यु भएको हो ।
गोरखा पुख्र्याैली थलो भई धादिङलाई कर्मथलो बनाएका बर्माका श्रीमती, एक छोरा र तीन छोरी छन् । उनको आजै पशुपति आर्यघाटमा दाहसंस्कार गरिने बताइएको छ ।
वि.सं.२०७७ कात्तिक २१ शुक्रवार ०८:५० मा प्रकाशित
