हामी सबैकाे संसारन्यूज

विभागले सुख्खा डाँडामा बस्ती गरेर बसेका बासिन्दालाई शुद्ध पानी खुवाउने उद्देश्यले सुख्खा क्षेत्र खानेपानी आयोजना सञ्चालन गरेको हो । विभागका उपसचिव अरुणकुमार सिंखडाले सुख्खा क्षेत्रका बासिन्दालाई नदीको पानी मोटरबाट पानी तानेर प्रशोधन गरी खुवाउन सो कार्यक्रम सञ्चालन गरिएको बताउनुभयो ।

उहाँले भन्नुभयो, “सबै नेपालीलाई शुद्ध खानेपानी खुवाउने लक्ष्यअनुसार यो कार्यक्रम ल्याएका हौँ ।” विभागले पाँचथरको यासोक र आङ्मामौवा, खोटाङको हलेसी, रामेछापको पकरबास र रामेछाप सुख्खा आयोजना, काभ्रेको तिमाल खानेपानी आयोजना, पाल्पाको कालीगण्डकी लिफ्ट खानेपानी आयोजना, गोरखाको दरौँदी लिफ्ट खानेपानी आयोजना र सुर्खेतको भेरी लिफ्ट खानेपानी आयोजना सञ्चालन गरेको हो ।

खानेपानी तथा सरसफाइ राज्यमन्त्री दीपक खड्काले सन् २०१७ को अन्त्यसम्म सबै नेपालीको घर घरमा शुद्ध खानेपानी पु¥याउने योजनानुसार मन्त्रालयले काम गरिरहेको बताउनुभयो । उहाँले भन्नुभयो, “काठमाडौँ उपत्यकामा पनि मेलम्चीको काम द्रुतगतिमा अगाडि बढेको छ, अरु जिल्लामा पनि चाँडै खानेपानी पु¥याउने योजनाका साथ यस्ता कार्यक्रम ल्याएका हौँ ।

विभागले सुख्खा क्षेत्र खानेपानी आयोजना कार्यक्रमका लागि रु ६० करोड ९८ लाख विनियोजन गरेको छ ।