Sansar News
काठमाडौं । पार्टीका कार्यकारी अध्यक्ष पुष्पकमल दाहाल प्रचण्डलाई भेट गर्न खुमलटार पुगेका पार्टी अध्यक्ष एवं प्रधानमन्त्री केपी शर्मा ओली र पार्टीका वरिष्ठ नेता माधव कुमार नेपालबीच प्रचण्ड निवासको गेटमा जम्काभेट भएको छ ।
नेकपा स्रोतले जनाएअनुसार ओली बाहिरिँदै गर्दा नेपालभित्र छिरेका थिए । दुई नेताबीच देखादेख गेटमै भएको जनाइएको छ ।
पछिल्लो नेकपा विवादसँगै पार्टी अध्यक्ष एवं प्रधानमन्त्री केपी शर्मा ओली र वरिष्ठ नेता माधवकुमार नेपालबीच सम्बन्ध निकै चिसिएको बताइन्छ । नेकपाका नेताहरुका अनुसार पछिल्लो विवादसँगै दुई नेताबीच संवादसमेत बन्द छ ।
शनिबार बिहान ओली र प्रचण्डबीचको भेटमा पार्टी उपाध्यक्ष बामदेव गौतम सहभागी थिए । तर, ओली बाहिरिए लगत्तै नेपाल भित्र छिरेका थिए ।
वि.सं.२०७७ पुस ४ शनिवार १३:४२ मा प्रकाशित
