हामी सबैकाे संसारन्यूज

काठमाडौं । नेकपाका स्थायी समिति सदस्य डा. सुरेन्द्र पाण्डेले संसद विघटन गर्ने प्रधानमन्त्री केपी शर्मा ओलीको निर्णय आत्मघाती भएको प्रतिक्रिया दिए । उनका अनुसार ओलीको यो निर्णय निकै अदुरदर्शी पनि हो ।

‘संसद विघटन गर्ने पार्टी अध्यक्ष तथा प्रधानमंन्त्री के पि शर्मा ओलीको निर्णय ज्यादै अदुरदर्शी र आत्मधाती कदम हो’, सामाजिक सञ्जालमार्फत उनले भनेका छन् ।

नेता पाण्डेका अनुसार संसद विघटनको निर्णयले स्वयं ओलीले मात्र नभई सत्तारुढ नेकपा र समग्र नेपालको कम्युनिष्ट आन्दोलनले समेत निकै महंगो मुल्य चुकाउनु पर्नेछ ।

संसद विघटन गर्ने पार्टी अध्यक्ष तथा प्रधानमंन्त्री के पि शर्मा ओलीको निर्णय ज्यादै अदुरदर्शी र आत्मधाती कदम हो।यसले नेपालको कम्युनिष्ट आन्दोलन, नेपाल कम्युनिष्ट पार्टी र स्वयं ओली जीले यसको गंभिर मुल्य चुकाउनु पर्ने दुर्भाग्यपुर्ण स्थिती एकाएक सृजना भयो।

— surendra pandey (@surendraCPN) December 20, 2020

उनले अगाडि भनेका छन्, ‘यसले नेपालको कम्युनिष्ट आन्दोलन, नेपाल कम्युनिष्ट पार्टी र स्वयं ओली जीले यसको गंभिर मुल्य चुकाउनु पर्ने दुर्भाग्यपुर्ण स्थिती एकाएक सृजना भयो।’

आइतबार बिहान बसेको मन्त्रिपरिषदको आकस्मिक बैठकले संसद विघटन गर्न राष्ट्रपति समक्ष सिफारिस गर्ने निर्णय गरेको थियो ।