हामी सबैकाे संसारन्यूज

५ पुष, काठमाडौँ । सत्तारुढ नेपाल कम्युनिष्ट पार्टी (नेकपा) आइतवार बसेको स्थायी समिति बैकले पूर्वसभामुख कृष्णबहादुर महरालाई स्थायी समितिमा मनोनित गर्ने निर्णय गरेको छ ।

तत्कालीन एमाओबादीको महासचिव भै सकेका र माओवादी केन्द्रको हेडक्वाटर सदस्य समेत रहेका महरा २०७४ पछिको प्रतिनिधिसभाको सभामुखमा निर्वाचित भएका थिए ।

अमेरीकी परीयोजना (एमसिसि)मा प्रधानमन्त्रीको रुचिलाई सहयोग नगरेको कारण तारोमा राखिएका (हेर्नुहोस प्रधानमन्त्री केपी शर्मा ओलीले २०७६ कार्तिक २ गते कान्तिपुरमा दिएको अन्तरवार्ता ) महरालाई संसद सचिवालयकी एक कर्मचारीसँगको सम्बन्धलाई लिएर षड्यन्त्रमुलक ढंगले फसाइएको थियो ।

राजनैतिक दलहरुबिच समन्वय र सन्तुलनकारी संस्कृति सम्प्रेषण गर्ने उनी ब्यक्तिगत रुपमा ओलीसंग पनि चिढिने स्वभावका थिएनन् । तर संभावित राष्टघातको कहालिलाग्दो खड्गो टार्न उनले संसदमा छलफलको काम ढिला गराउदै आएका थिए । सभामुख नभएको स्थितिमा उनी नेकपाको सचिवालयमै पर्ने निश्चित थियो । उनलाई स्थायी समितिमा ल्याइएपछि नेकपाको ठुलो हिस्साले आंशिक न्याय पाएको प्रतिक्रिया सार्वजनिक गरेका छन् । एमसिसि पक्षधर ‘इण्डोवेस्ट’ गठबन्धन धेरै पहिलेदेखि नै नयां समिकरणको प्रयासमा रहि आएको थियो ।