Sansar News
७ पुस्, काठमाडौं । नेपाली कांग्रेसको केन्द्रीय समितिको मंगलबारक बसेको बैठक सम्पन्न सकिएको छ ।
बैठकमा प्रधानमन्त्री तथा नेपाल कम्युनिष्ट पार्टी (नेकपा) का अध्यक्ष केपी शर्मा ओलीले चालेको कदम असंबैधानिक भएको ठहर गर्दै त्यसका विरुद्ध जिम्मेवार भूमिका निर्वाह गरेर अगाडि बढ्ने बताएपनि त्यसविरुद्ध आगामी कार्यक्रमहरु के–के हुने भन्ने विषयमा निर्णय भने गरेको छैन ।
मंगलबारको बैठकमा पार्टी सभापति शेर बहादुर देउवा, वरिष्ठ नेता रामचन्द्र पौडेल लगायतका नेताहरुले सम्बोधन गरेको र केन्द्रीय सदस्यहरुले बोल्ने क्रम अझै जारी रहेकाले बैठक बुधबार १ बजे पुनः बस्ने गरी सकिएको प्रवक्ता विश्व प्रकाश शर्माले संसारन्युजलाई जानकारी दिएका छन् ।
‘आजको बैठकमा संसद विघटन सम्बन्धी विषयमा प्रवेश भएको छ, बैठक भोली १ बजे बस्ने र सोहि र्बैठकले आगामी कार्यक्रमका बारेमा निर्णय गर्ने छ । प्रवक्ता शर्माले भने ।
वि.सं.२०७७ पुस ७ मंगलवार १७:३० मा प्रकाशित
