Sansar News
पुस ७, काठमाडौं । नेपाल कम्युनिष्ट पार्टी (नेकपा)को बहुमत पक्षले प्रधानमन्त्रीसमेत रहेका केपी शर्मा ओलीलाई पार्टी अध्यक्षबाट हटाउने निर्णय गरेको छ ।
मंगलबार बानेश्वरस्थित कार्की बैंक्वटमा बसेको केन्द्रीय समितिको बैठकले ओलीलाई हटाउने निर्णय गरेको नेकपाका केन्द्रीय सदस्य देवेन्द्र पौडेलले जानकारी दिए ।
उनका अनुसार ओलीलाई पार्टी सदस्यता कायम रहने गरि कारबाही गरिएको छ । साथै बैठकले वरिष्ठ नेता माधवकुमार नेपाललाई अध्यक्ष बनाउने पनि निर्णय गरेको उनले जनाए ।
उनका अनुसार पार्टीका अर्का वरिष्ठ नेता झलनाथ खनालले नेपाललाई अध्यक्ष बनाउन प्रस्ताव गरेका थिए ।
बैठकमा नेकपाका ४४६ केन्द्रीय सदस्यमध्ये ३१० सदस्यको उपस्थिति थियो ।
वि.सं.२०७७ पुस ७ मंगलवार १७:३६ मा प्रकाशित
