Sansar News
पुस ८, काठमाडौं । संसद विघटनविरुद्व सर्वोच्च अदालतमा परेका रिटमाथि सुनुवाई सुरु भएको छ ।
संसद विघटनविरुद्व सर्वोच्च अदालतमा परेका १२ रिट निवेदनको सुनुवाई प्रधानन्यायाधीश चोलेन्द्रशमशेर जबराको एकल इजलाशममा परेका छन् । जसमध्ये तीनवटा रिटमाथि सुनुवाई सुरु भएको सर्वोच्चले जनाएको छ ।
प्रतिनिधिसभा विघटनविरुद्ध कञ्चनकृष्ण न्यौपाने, अमृत खरेल, लोकेन्द्र ओली, ज्ञानेन्द्रराज आरण, शालिकराम सापकोटा, कलमबहादुर खत्री, मनिराम उपाध्याय, दिनेश त्रिपाठी, अमिता गौतम पौडेल, दिपक राई, तलुसी सिंखडा र नेकपा संसदीय दलका प्रमुख सचेतक देव गुरुङसमेतले राष्ट्रपति कार्यालयसहितलाई विपक्षी बनाउँदै रिट निवेदन दिएका थिए। जसमध्ये कञ्चनकृष्ण न्यौपाने, अमृत खरेल र अधिवक्ता लोकेन्द्र ओलीलगायतले दर्ता गरेको रिटमाथि सुनुवाई सुरु भएको हो ।
प्रधानमन्त्री केपी शर्मा ओलीले पुस ५ संघीय संसद विघटन गरि आगामी वैशाख १७ र २७ मा मध्यावधि निर्वाचन गर्न गरेको प्रस्तावलाई राष्ट्रपति विद्यादेवी भण्डारीले सदर गरेकी थिइन् । उक्त निर्णय असंवैधानिक भएको दाबीसहित सर्वोच्चमा दर्जन रिट परेका थिए ।
वि.सं.२०७७ पुस ८ बुधवार १३:०७ मा प्रकाशित
