Sansar News
पुस १०, काठमाडौं । प्रधानमन्त्री केपी शर्मा ओलीले मन्त्रिपरिषद विस्तार गर्ने भएका छन् । बालुवाटार स्रोतले जनाएअनुसार ओलीले पार्टी विभाजनसँगै रिक्त मन्त्रालयमा नयाँ मन्त्री ल्याउन लागेका हुन् ।
जनाइएअनुसार आज साँझ नै नयाँ मन्त्रीहरुको सपथ ग्रहणसमेत हुनेछ । सात बजेसम्म सपथ गर्ने गरि तयारी भईरहेको बालुवाटार स्रोतले जनायो ।
हाल ८ वटा मन्त्रालय नेतृत्व बिहिन छ । पार्टी विभाजनसँगै ७ मन्त्रीले सामुहिक राजीनामा दिएका थिए भने रक्षा मन्त्रालय यसअघिदेखि नै प्रधानमन्त्री ओली स्वंयले आफुँसँगै राखेका थिए ।
पूर्वमाओवादी समुह छाडेका नेतालाई मन्त्री बनाउँदै
ओलीले मन्त्रिपरिषद विस्तारमा नयाँ र पूर्वमाओवादी समुहका केहि नेताहरुलाई समेट्ने भएका छन् । जनाइएअनुसार ओलीले मन्त्रिपरिषद विस्तारमा मणि थापा, टोपबहादुर रायमाझी र प्रभु शाहलाई समेट्ने तयारी गरेका छन् । यी सबै पूर्वमाओवादी समुहका हुन् ।
वि.सं.२०७७ पुस १० शुक्रवार १७:२७ मा प्रकाशित
