Sansar News
१३ पु्स, काठमाडौं । पाँचदिनदेखि निरन्तर लागेको डढेलो नियन्त्रणमा आउन नसक्दा पाथीभर देविको मन्दिर समेत जोखिममा परेको छ ।
ताप्लेजुङको फुलिङ नगरपालिका ११ को सिम्बु सामुदायिक बन क्षेत्रमा पाँचदिनदेखि निरन्तर लागेको डढेलोले प्रशिद्ध धार्मिकस्थल तथा सक्तिपिठ पाथीभर मन्दिर समेत जोखिममा परेको बताइएको छ ।
वनमा रहेका सुकेका रुखहरुमा सल्किएको आगो मानिसले नियन्त्रण गर्न सक्ने अवस्थामा नरहेको ताप्लेजुङका प्रमुख जिल्ला अधिकारी झरेन्द्र चपागाईँले बताएका छन् ।
सिडियो चापागाईँका अनुसार मन्दिरको नजिक आगो पुगिसकेको र मन्दिरलाई नेपाली सेनाको टोलीद्धारा सुरक्षित बनाउने प्रयास गरिएको छ ।
उक्त टोलीले मन्दिर वरिपरी फायर लाइन बनाएर काम गरिरहेको छ । डढेलोका कारण हालसम्म डेढसय रोपनी जंगल क्षेत्र नष्ट भइसकेको छ । सुकेका रुख र पातहरुमा आगो लागेसँगै हावाको वेग र त्यस क्षेत्रमा सहजरुपमा पानीको व्यवस्थापन गर्न नसकेका कारण पनि आगो नियन्त्रणमा आउन नसकेको सिडिओ चापागाईँले बताएका छन् ।
आगो नियन्त्रणका लागि पाथीभर मन्दिर संरक्षण तथा सम्बद्र्धन समितिले हेलिकप्टरबाट पानी हाल्ने निर्णय गरेको तर प्रभावकारी हुने नहुने भन्नेमा द्धिविधामा रहेको बताइएको छ ।
वि.सं.२०७७ पुस १३ सोमवार १४:०५ मा प्रकाशित
