Sansar News
१३ पुस, काठमाडौं । नेपालमा आज ६५९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरी गरिएको ५ हजार ५७८ नमुना परीक्षणमा उपत्यकाका २७८ जनासहित देशैभरी ६५९ जना कोरोना संक्रमित थपिएका हुन् । जसमा महिला २५२ र ४०७ जना पुरुष रहेका छन् ।
आज प्रदेश १ मा ६६ जना, प्रदेश २ मा ५ जना, बागमती प्रदेशमा ३४३ जना, गण्डकी प्रदेशमा ५५ जना, लुम्बिनी प्रदेशमा ६६ जना तथा कर्णाली प्रदेशमा २४ जना र सुदूरपश्चिम प्रदेशमा १०० जना संक्रमित थपिएका हुन् ।
आज थपिएका ६५९ जनासँगै नेपालमा कोरोना संक्रमितको कूल संख्या २ लाख ५८ हजार ८४० पुगेको छ ।
त्यसैगरी आज देशैभरी ७१८ जना कोरोना संक्रमणबाट मुक्त भएका छन् । आज निको भएका ८४० जनासँगै नेपालमा कोरोना संक्रमणबाट मुक्त हुनेको कुल संख्या २ ला ५० हजार ५८१ पुगेको छ । निको हुनेको यो दर ९६.८ प्रतिशत हो ।
त्यस्तै आज कोरोना संक्रमणबाट ७ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरीका विभिन्न जिल्लामा ७ जना कोरोना संक्रमितको मृत्यु भएको हो ।
आज थपिएका ७ जनासँगै नेपालमा कोरोना संक्रमणबाट ज्यान गुमाउनेको संख्या १ हजार ८३२ पुगेको छ ।
नेपालमा आज ४८१ जनामा कोरोना संक्रमण, ७३१ जना निको, ६ जनाको मृत्यु
वि.सं.२०७७ पुस १३ सोमवार १६:२६ मा प्रकाशित
