Sansar News
१२ पुस, काठमाडौं । नेपालमा आज ४८१ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरी गरिएको ३ हजार ८२८ नमुना परीक्षणमा उपत्यकाका २०८ जनासहित देशैभरी ४८१ जना कोरोना संक्रमित थपिएका हुन् । जसमा महिला ११७९ र ३०२ जना पुरुष रहेका छन् ।
आज थपिएका ४८१ जनासँगै नेपालमा कोरोना संक्रमितको कूल संख्या २ लाख ५८ हजार १८१ पुगेको छ ।
त्यसैगरी आज देशैभरी ७३१ जना कोरोना संक्रमणबाट मुक्त भएका छन् । आज निको भएका ७३१ जनासँगै नेपालमा कोरोना संक्रमणबाट मुक्त हुनेको कुल संख्या २ लाख४९ हजार ८६३ पुगेको छ । निको हुनेको यो दर ९६.८ प्रतिशत हो ।
त्यस्तै आज कोरोना संक्रमणबाट ६ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरीका विभिन्न जिल्लामा ६ जना कोरोना संक्रमितको मृत्यु भएको हो ।
आज थपिएका ६ जनासँगै नेपालमा कोरोना संक्रमणबाट ज्यान गुमाउनेको संख्या १८२५पुगेको छ ।
यस्तो छ हेर्नुहोस् नेपालमा पुस ११ गतेसम्मको कोरोना अपडेटको पूर्ण विवरण
वि.सं.२०७७ पुस १२ आइतवार १६:५४ मा प्रकाशित
