हामी सबैकाे संसारन्यूज

१२ पुस, काठमाडौँ । डाक्टर गोविन्द केसीले आइतबार एक विज्ञप्ति जारी गर्दै ओलीले आफ्नो पक्ष र स्वार्थका लागि काम नभए संविधानको औचित्य समेत नष्ट गरिदिने बताएका छन् । डा केसीले संसद विघटन गर्ने प्रधानमन्त्री केपी शर्मा ओली र राष्ट्रपति बिद्या देवि भण्डारीको कदम असंबैधानिक,अवैध र अनधिकृत रहेको बताएका छन् ।

चिकित्सा शिक्षा तथा स्वास्थ्य क्षेत्र सुधारका अभियन्ता केसीले संविधान र विधिको शासनको सबैले पालना गर्नुपर्ने बताएका छन् । यो देश केपी ओली र विद्या भण्डारीको निजी सम्पत्त जस्तो नगर्नपनि सुझाएका छनभने राजाको हालत जनताले कस्तो बनाएको ख्याल गर्न पनि अनुरोध गरे । उनले भने, ‘यो देश प्रधानमन्त्री केपी शर्मा ओली र राष्ट्रपति विद्या भण्डारीको निजी सम्पत्ति हैन ।देशलाई आफ्नो सम्पत्ति सम्झेका राजा ज्ञानेन्द्र लाई नागरिकले कसरी थान्को लगाए त्यो कसैले नबिर्से हुन्छ,’ ।

यो समय न्यायालयको परिक्षाको घडी रहेको भन्दै उनले भनेका छन्, ‘न्यायालयले जस्तो फैसला गरे पनि सत्ताको उन्मादमा रहेका व्यक्तिहरूको प्रहारबाट विधिको शासन र संविधानलाई जोगाउने जिम्मेवारी हामी नागरिकसामु सदा रहने नै छ। ’ गलत व्यक्तिहरुको हात बाट देशलाई जोगाउने काम जनताको रहेको पनि उनले बताए ।