Sansar News
१६ पुस, काठमाडौं । यमनमा नयाँ मन्त्रिमण्डलका सदस्यहरुलाई लक्षित गरेर भएको बम विष्फोटमा झण्डै २२ जना मारिएको बताइएको छ ।
यमनको दक्षिण शहरको अदन विमानस्थलमा भएको उक्त बम विस्फोटमा झण्डै २२ जनाको मृत्यु भएको र ५० जना घाईते भएको बताइएको छ ।
यमनका सुरक्षा अधिकारीहरुका अनुसार नयाँ मन्त्रिमण्डलका सदस्यहरु बोकेर आइरहेको विमान छिमेकी देश साउदी अरबबाट विमानस्थलमा पुगेको मात्र के थियो तत्कालै वम विष्फोट भएको थियो ।
उक्त विस्फोटमा मारिएकाहरु सहायक कर्मचारी र अधिकारीहरु रहेको बिबिसीले जनाएको छ ।
यमनका प्रधानमन्त्रीले आफ्नो मन्त्रिमण्डलका सदस्य सुरक्षित रहेको रहेको बताएका छन् भने सूचना मन्त्रीले हुति बिद्रोहीले यस्तो घटना घटाएको आरोप लगाउँदै कायरतापूर्ण र चरमपन्थी आक्रमण बताएका छन् ।
वि.सं.२०७७ पुस १६ बिहीवार ०९:०३ मा प्रकाशित
