Sansar News
१६ पुस, काठमाडौं । नेपाल कम्युनिष्ट पार्टी (नेकपा) प्रचण्ड -माधव नेपाल समुहले आफ्नो पार्टीको नाममा रहेको सबै बैंक खाता रोक्का गरेको छ । प्रचण्ड -माधव नेपाल समुहले पुस १२ गते सबै बैंकहरुलाइ आफ्नो पार्टीको नाममा रहेको बैंक खाता बन्द गर्न पत्रचार गरेको थियो ।
पछिल्लो समय नेकपाको विवाद उत्कर्षमा पुगेर औपचारिक फुटको घोषण हुनमात्र बाँकी रहेकाले उनीहरुले पार्टीको नाममा रहेको बैंक खाता बन्द गर्न पत्रचार गरेको हो । हाल दुबै पक्षले आफ्नो समुहलाई आधिकारिक दावी गरिरहे पनि निर्वाचन आयोगले कुनै समुहलाई पनि आधिकारिकता प्रदान गरेको छैन् ।
विवाद कायमनै रहेको हालको अवस्थाका कारण सबै बैंकमा पार्टीको नाममा रहेको खाता वन्द गराउन प्रचण्ड-माधव नेपाल समुहले पत्रचार गरेको हाे । उता नेपाल बैकंर्स संघका अध्यक्ष भुवनकुमार दाहालले भने नेकपा भित्र विवाद उत्पन्न भएपछी स्वत खाता रोक्का भइसकेको बताए । अव, कुनै पनि समुहले आधिकारीकता नपाएसम्म खाता रोक्का रहने छ ।
वि.सं.२०७७ पुस १६ बिहीवार १५:३० मा प्रकाशित
