Sansar News
२३ पुष, पाँचथर । आफ्नै श्रीमतीको बञ्चरो प्रहार गरी हत्या गरेर फरार भएका ३२ वर्षीय धनकुमार उभरकोटी झुण्डिएको अवस्थामा मृत फेला परेका छन् ।
पाँचथरको हिलिहाङ–५ सुभाङका उभरकोटी घरबाट करिब तीन किलोमिटर पूर्व जङ्गलमा झुण्डिएको अवस्थामा फेला परेका हुन् ।
गत पुस ९ गते मध्यराती ३० श्रीमती दुर्गादेवी उभरकोटीको टाउकोमा बञ्चरो प्रहार गरी हत्या गरेर फरार रहेका उनी बुधबार गाउँकै जङ्गलमा झुण्डिएर मृत फेला परेको जिल्ला प्रहरी कार्यालय पाँचथरले जनाएको छ । पात्ले कटुसको रुखमा प्लास्टिकको डोरीले पासो लगाई झुण्डिएको अवस्थामा स्थानीयवासीले शव देखेपछि प्रहरीलाई खबर गरेका थिए ।
शव गन्हाएकोले उनले एक हप्ताअगाडी नै आत्महत्या गरेको हुनसक्ने स्थानीयवासीले अनुमान गरेका छन् । उनको फिदिमस्थित पाँचथर जिल्ला अस्पतालमा शव परीक्षण गरिएको थियो । श्रीमतीको हत्यापछि फरार भएका उभरकोटीलाई प्रहरीले खोजी गर्दै आएको थियो ।
रासस
वि.सं.२०७७ पुस २३ बिहीवार १०:३४ मा प्रकाशित
