Sansar News
२३ पुष, काठमाडौँ । त्रिभुवन विश्वविद्यालय सेवा आयोगले आयुर्वेद विषयमा उपप्राध्यापक पदमा लिखित तथा अन्तरवार्ता परीक्षामा नाम निकाल्न सफल उम्मेदवारहरुको नतिजा प्रकाशन गरेको छ ।
आयोगले खुला प्रतिस्पर्धाबाट लिखित तथा अन्तर्वार्ता परीक्षामा सफल भएका उम्मेदवारहरुको नतिजा प्रकाशित गर्दै स्थायी नियुक्तिका लागि ती नामहरु सिफारिस गरेको छ ।
जसअनुसार खुल्लातर्फ पर्वतका डा. निर्मल भुसाल रहेका छन् भने वैकल्पिक उम्मेदवारका रुपमा धनुषाका निथिलेश कुमार साह र लम्जुङकी कोपिला अधिकारी रहेकी छन् । डा भुसाल नेशनल आयुर्वेदा रिसर्च तथा तालिम केन्द्रमा चिफ ट्रेनिङ अफिसर रहेका छन् ।
त्यस्तै समावेशी महिला तर्फ भक्तपुरकी रेणु खायमलीको नाम सिफारिस गरिएको छ भने वैकल्पिकमा कोपिला अधिकारीका साथै काठमाडौँकी साधना पराजुली रहेका छन् ।
वि.सं.२०७७ पुस २३ बिहीवार १०:११ मा प्रकाशित
