Sansar News
२३ पुष । प्रधानमन्त्री केपी शर्मा ओली अध्यक्ष रहेको नेकपाले प्रदेश ईञ्चार्ज रहेका भीम रावललाई कारबाही सिफारिस गर्दै सुदुरपश्चिम प्रदेश कमिटी विस्तार गरेको छ।
प्रधानमन्त्रीका प्रेस सल्लाहकार सूर्य थापाका अनुसार बुधबार सम्पन्न चौथो विस्तारित बैठकले नेकपा प्रचण्ड–नेपाल पक्षमा रहेका रावललाई कारबाही सिफारिस गर्दै प्रदेश कमिटी विस्तार गरेको हो ।
बैठकले सुदुरपश्चिम प्रदेश संयोजक लेखराज भट्ट, प्रदेश अध्यक्षमा कर्णबहादुर थापालाई जिम्मेवारी दिँदै प्रदेश कमिटी विस्तार गरी पाँच सय ५१ सदस्यीय बनाएको थापाले सामाजिक सञ्जालमार्फत जनाएका छन्।
उक्त बैठकले बैठकले पुस २४ गते प्रधानमन्त्री एवं पार्टी अध्यक्ष केपी शर्मा ओलीले प्रमुख वक्ताका रूपमा राजधानी बाहिर पहिलोपटक धनगढीमा हुने जनसभालाई सम्बोधन गर्ने कार्यक्रम भएकोमा उक्त कार्यक्रमलाई शानदार रूपमा सफल पार्न योजनाबद्द ढंगले जनपरिचालनमा जुट्ने निर्णय गरेको पनि थापाले बताएका छन् ।
थापालका अनुसार बैठकले पार्टीको खाताबाट ३० लाख नगद झिकेर हिनामिना गरेकोमा भीम रावललाई कारबाही गर्न सिफारिशसमेत गरेको छ ।
वि.सं.२०७७ पुस २३ बिहीवार ०९:४५ मा प्रकाशित
