हामी सबैकाे संसारन्यूज

२३ पुस, काठमाडौं । बिहीबारको राष्ट्रियसभा बैठकमा बोल्दै नेपाली कांग्रेसका सांसद रमेशजंग रायमाझीले प्रधानमन्त्री केपी शर्मा ओलीले हिटलर प्रवृद्धी देखाएको आरोप लागाएका छन् ।

उनले प्रधानमन्त्रीले आफूले संविधान नमान्ने, आफ्नो बिचार अनुसार देश चल्नुपर्ने सोच राख्ने गरेकाले उनले प्रधानमन्त्री हिटलर हो? भनी प्रश्न गरेका थिए । उनले राष्ट्रियसभामा बोल्दै प्रश्न गरे,‘ संविधान प्रधानमन्त्रीले मान्नुपर्दै न ? अरु राजनीतिक दलको लागि मात्र हो संविधान ?’ उनकाे प्रश्न थियाे,  ‘प्रधानमन्त्री को हो? हिटलर हो यो मुलुकको?

उनले प्रधानमन्त्रीले पदमा बसिरहन सोवनिय नहुने भन्दै टिप्पणी पनि गरेका थिए । प्रधानमन्त्रीले असंवैधानिक कदम चालेको भन्दै उनले मानसिक रुपमानै सन्तुलन गुमिसकेको भन्न मिल्ने कि नमिल्ने भन्ने प्रश्न पनि गरेका थिए ।