हामी सबैकाे संसारन्यूज

२४ पुस, काठमाण्डौं । इङ्ग्लिस प्रिमियर लिग क्लब म्यानचेस्टर युनाइटेडले युवा विंगर अमद डियालोलाई इटालीयन क्लब एटलान्टाबाट अनुबन्धित गरेको छ ।

 १८ वर्षीय युवा आइभरियनले म्यान्चेष्टरसँग सन् २०२५ सम्मका लागि अनुबन्ध सम्झौता गरेका छन् । युनाइटेडले विंगर डियालोलाई २१ मिलियन युरोमा क्लबमा अनुबन्ध गरेको जनाईएको छ ।

डियालोलाई अनुबन्ध गरेपछी युनाईटेडका प्रशिक्षक ओले गनर सोल्सायरले भने,‘ क्लबले, अमदलाई केही वर्ष देखि फलो गरिरहेकाे थियाे, उनको खेल सैलि  हेरिरहेका थियौ । म  विस्वस्थ छु ,उनी एक उत्कृीष्ट युवा खेलाडी हुन् ।’

डियालोले एटलान्टाको सिनियर टिमबाट ५ खेल  खेल्दै एक गोलसमेत गरेका छन् । गएको वर्ष सिनियर टिममा डेब्यु गरेका उनी उमेर समूहको टिमका मुख्य खेलाडी हुन् ।