Sansar News
१५ माघ, काठमाडौं । नेपालमा बुधबार देखि सुरु भएको कोरोना भाइरसविरुद्धको खोप ९ हजार ८४ जनाले लगाएका छन् ।
स्वास्थ्य तथा जनसंख्या मन्त्रालयका अनुसार बुधबार बेलुका ५ बजेसम्म प्रदेश १ मा १२५५, प्रदेश नं २ मा ७२६, बागमतीमा २६९४, गण्डकीमा १८४३, लुमिब्नीमा ७३३, कर्णाली प्रदेशमा ७५१ र सुदूरपश्चिम प्रदेशमा १०८२ जना गरी जम्मा ९ हजार ८४ जनामा कोरोना भाइरसविरुद्धको खोप लगाइएको हो ।
स्वास्थ्यकर्मी, सुरक्षाकर्मी, स्वयमसेविका, एम्बुलेन्स चालक, शववाहन चालक लगायतलाई पहिलो प्राथमिकतामा राखेर लगाइएको उक्त खोप लगाउनेहरुको स्वास्थ्यमा कुनैपनि असर नपरेको पनि मन्त्रालयद्धारा जारी विज्ञप्तिमा जनाइएको छ ।
वि.सं.२०७७ माघ १५ बिहीवार १२:५५ मा प्रकाशित
