हामी सबैकाे संसारन्यूज

१६ माघ, काठमाडौं । जनता समाजवादी पार्टी (जसपा) ले प्रतिनिधिसभा विघटनको विरुद्धमा थप आन्दोलनका कार्यक्रमहरुको घोषणा गरेको छ ।

पार्टीका संघीय परिषद् अध्यक्ष डा. बाबुराम भट्टराईले सरकारको प्रतिगमनविरोधि कदमका विरुद्धमा आन्दोलन र पार्टी समायोजनका कार्यक्रम सँगसँगै लैजाने गरी माघ २९ गतेसम्मको कार्यक्रम बनाएको बताएका छन् ।

अध्यक्ष डा. भट्टराईले सामाजिक संजाल ट्विटरमा जनाए अनुसार पार्टीले माघ २३ गते जिल्ला, माघ २५ गते संघीय र प्रदेश निर्वाचन क्षेत्र, माघ २७ गते महानगरपालिका\उपमहानगरपालिका\नगरपालिका\गाउँपालिका स्तरीय र माघ २० गते वडा तहमा समायोजनसँगसँगै पुत्लादहन\मसाल जुलुसलगायतका आन्दोलनका कार्यक्रम गर्ने भएको हो ।

जसपाले संसद विघटन गर्ने सरकारको कदम असंवैधानिक, अलोकतान्त्रिक र प्रतिगमनकारी भएको भन्दै यसअघि पनि विभिन्न चरणमा प्रदर्शनका कार्यक्रम गर्दै आएको छ ।