हामी सबैकाे संसारन्यूज

१९ माघ, काठमाडौँ । भारतीय क्रिकेट टिममा पुर्वखेलाडी आकाश चोपडाले इंल्याण्ड विरुद्धको पहिलो टेस्टका लागि भारतको सम्भावित प्लेइङ्ग-११ बनाएका छन । उनले विराट कोहलीको कप्तानीमा सम्भावित प्लेइङ्ग बनाएका हुन ।

उनले ओपनिङ्ग ब्याट्सम्यानमा रोहित शर्मा र शुमभन गिललाई राखेका छन । त्यसैगरी उनले तेस्रो, चौथो र पाँचौ नम्बरमा चतेश्वर पुजरा, विराट कोहली र अजिक्य राहणेलाई राखेका छन । अष्ट्रेलिया विरुद्धको श्रृखलामा उत्कृष्ट ब्याटिङ्ग गर्दै भारतलाई टेस्ट श्रृखला जिताएका विकेट-किपर व्याट्सम्यान रिषभ पंतलाई उनले छैठौँ स्थानमा राखेका छन ।

बलिङ्गमा उनले २ फास्ट बलर र ३ स्पिनरलाई टिममा राखेका छन । फास्ट बलरका रुपमा उनले जसप्रीत बुमराह र इशांत शर्मालाई मौका दिएका छन भने स्पिनरका रुपमा रविचन्द्र अश्विन, वाशिंगटन सुन्दर, कुलदिप यादवलाई मौका दिएका छन ।

उनले अष्ट्रेलिया विरुद्धको टेस्ट श्रृखलामा भारतका लागि सर्वाधिक विकेट लिएका मोहम्मद सिराज (१३ विकेट) र  दुई वर्ष पछि भारतको टेस्ट टिममा पर्न सफल भएका हार्दिक पांड्यालाई टिममा राखेका छैनन् ।

भारतले इंल्याण्ड विरुद्ध ५ फेब्रुअरीबाट ४ खेलको टेस्ट श्रृखला खेल्ने छ । पहिलो टेस्टको तयारीका लागि इंल्याण्ड र भारतका खेलाडीहरु चेन्नाई पुगी सकेका छन ।

इंल्याण्ड विरुद्धको पहिलो टेस्टको लागि आकाश चोपडाले बनाएको भारतको सम्भावित प्लेइङ्ग-११
रोहित शर्मा, शुभमन गिल, चेतेश्वर पुजरा, विराट कोहली, अजिक्य राहणे, रिषभ पंत, वाशिंगटन सुन्दर, रविचन्द्र अश्विन, कुलदिप यादव, इशांत शर्मा र जसप्रीत बुमराह ।