Sansar News
१९ माघ, काठमाडौं । जनता समाजवादी (जसपा) का संघीय परिषद् अध्यक्ष डा. बाबुराम भट्टराईले समाजवादको बाटोमा अघि बढ्नका लागि सबैलाई संयुक्त संघर्षमा गोलबन्द हुन आग्रह गरेका छन् ।
प्युठानको विजुवारमा प्रधानमन्त्री केपी शर्मा ओलीको प्रतिगमनविरुद्ध आयोजित शसक्त विरोधसभा तथा अन्तरक्रियामा बोल्दै डा. भट्टराईले संविधानलाई पुनः ट्रयाकमा ल्याएर लोकतन्त्रलाई थप परिमार्जन गर्दै संघीयता, सुशासन, समृद्दि र समाजवादको बाटोमा अघि बढ्नका लागि गोलबन्द हुन आग्रह गरेका हुन् ।
पार्टीले प्रधानमन्त्रीद्धारा गरिएको प्रतिनिधिसभा विघटनका विरुद्धमा आन्दोलन र पार्टी समायोजनका कार्यक्रम सँगसँगै लैजाने गरी माघ २९ गतेसम्मको कार्यक्रम घोषणा गरेको छ ।
जसअनुरुप माघ २३ गते जिल्ला, माघ २५ गते संघीय र प्रदेश निर्वाचन क्षेत्र, माघ २७ गते महानगरपालिका\उपमहानगरपालिका\नगरपालिका\गाउँपपालिका स्तरीय र माघ २० गते वडा तहमा समायोजनसँगै पुत्लादहन\मसाल जुलुसलगायतका आन्दोलनका कार्यक्रमको घोषणा गरिसकेको छ ।
वि.सं.२०७७ माघ १९ सोमवार १५:३२ मा प्रकाशित
