Sansar News
२१ माघ, काठमाडौं । जनता समाजवादी पार्टी (जसपा) नेपालका नेता तथा पूर्व सांसद शिवजी यादव प्रधानमन्त्री केपी शर्मा ओली नेतृत्वको नेकपाको समूहमा प्रवेश गरेका छन् ।
उपप्रधानमन्त्री ईश्वर पोखरेल र युवा संघ नेपालका इन्चार्ज महेश बस्नेतको उपस्थितमा प्रधानमन्त्री ओलीले मंगलबार यादवलाई पार्टी प्रवेश गराउँदै स्वागत गरेका हुन् ।
यादवले प्रतिनिधिसभा विघटनसँगै निर्वाचनमा जाने ओलीको निर्णयलाई साथ दिँदै आफू ओली नेतृत्वको नेकपामा प्रवेश गरेको बताएका छन् ।
महोत्तरीका यादव पहिले पनि आफू एमालेमै रहेकोले अहिले ओली नेतृत्वको पार्टीमा रहेर काम गर्ने बताएका छन् ।
दोस्रो संविधानसभामा तत्कालीन समाजवादी फोरमबाट सांसद रहेका उनी तत्कालीन एमालेको वुद्दिजीवी र प्रवास कमिटीमा रहेर काम गरेका थिए ।
वि.सं.२०७७ माघ २१ बुधवार १०:०५ मा प्रकाशित
