हामी सबैकाे संसारन्यूज

माघ २१, काठमाडौं । सरकारले लिम्पियाधुरा र कालापानीसहितको संशोधित नेपालको नक्सा विद्यालय स्तरको पाठ्यक्रममा समावेश गरेको छ ।

सरकारले प्रारम्भिक रुपमा कक्षा ८ र कक्षा ११ को पाठ्यक्रममा नेपालको संशोधित नक्सा समावेश गरेको प्रधानमन्त्रीका परराष्ट्र सल्लाहकार डा. राजन भट्टराईले जानकारी दिएका छन् ।

‘लिम्पियाधुरा, कालापानीसहितको भूभाग समेटिएको नेपालको नक्सा कक्षा–११ को र कक्षा–८ को पाठ्यक्रममा समावेश भयो,’ उनले फेसबुकमा लेखेका छन् ।

यसअघि संशोधिन नक्सामा केहि त्रुटी देखिएको भन्दै प्रधानमन्त्री केपी शर्मा ओलीले शिक्षा मन्त्रालयले निकालेको पुस्तक वितरण गर्न रोक लगाएका थिए । तर, अहिले भने सरकारकै निर्देशनमा उक्त नक्सालाई प्रकाशन गरिएको छ ।