हामी सबैकाे संसारन्यूज

२२ माघ, काठमाडौं । राजनीतिक विश्लेषक गेजा शर्मा वाग्लेले कांग्रेसको वर्तमान रवैया कायम रहे ठूलो मूल्य चुकाउनुपर्ने चेतावनी दिएका छन् ।

प्रधानमन्त्रीको असंवैधानिक कदमकाविरुद्ध विभिन्न राजनीतिक पार्टी, नागरिक समाजलगायतका तर्फबाट स्वतस्फूर्त आन्दोलन चलिरहेका बेला कांग्रेसको यस्तो मौनता र अकमण्र्यताको ठूलो मूल्य चुकाउनुपर्ने उनले बताएका छन् ।

सामाजिक संजाल फेसबुकमा लेख्दै शर्माले भनेका छन्–प्रधानमन्त्री केपी ओलीले पुस ५ गते अप्रत्यासितरूपमा प्रतिनिधिसभा विघटन गरेपछि उनले अभिव्यक्त गरेका विवादास्पद विचार र अस्वाभाविक गतिविधिको आधारमा विश्लेषण गर्दा राजनीतिक दुर्घटना सन्निकट छ र ०६२÷६३ का अग्रगामी लोकतान्त्रिक उपलब्धि गुम्ने जोखिम उच्च देखिन्छ । तर यस्तो तरल, जटिल र संवेदनशील घडीमा तीन(तीन वटा लोकतान्त्रिक आन्दोलनको नेतृत्व गरेको लोकतान्त्रिक पार्टी काँग्रेस अहिले रहस्यमयरूपमा मौन र अकर्मण्य देखिन्छ, जुन लोकतन्त्रको भविष्यका दृष्टिले चिन्ताजनक विषय हो । तर यो मौनता र अकर्मण्यताको महंगो मूल्य काँग्रेसले चुकाउनु पर्नेछ । काँग्रेस नेतृत्वपंक्ति र काँग्रेसजनलाई चेतना भया !!!