Sansar News
माघ २३, काठमाडौं । प्रधानमन्त्री केपी शर्मा ओलीले प्रचण्ड–नेपाल पक्षले आयोजना गरेको बन्दका बेलामा जलाएको ट्याक्सीको क्षतिपूर्ति दिने घोषणा गरेका छन् । शुक्रबार आफुँ पक्षीय नेकपाको जनसभालाई सम्बोधन गर्दै उनले यस्तो घोषणा गरेका हुन् ।
बिहिबार प्रचण्ड–नेपाल पक्षले आयोजना गरेको बन्दका क्रममा गोंगबुमा ट्याक्सी जलाईएको थियो । जुन घटनालाई लिएर प्रचण्ड–नेपाल समूहप्रति निकै आलोचना गरिएको थियो ।
तर, प्रचण्ड–नेपाल समूहले भने उक्त घटनाको जिम्मेवारी लिएको छैन् । घटना लगत्तै प्रचण्ड–नेपाल पक्षीय राष्ट्रिय युवा संघका अध्यक्ष रामप्रसाद सापकोटा दीपशीखाले आन्दोलनमा सरकारी घुसपैठ भएको बताएका थिए । उनले उक्त घटना आफ्नो पक्षले नगरेको दाबी गरेका थिए ।
वि.सं.२०७७ माघ २३ शुक्रवार १४:४६ मा प्रकाशित
